Sekar Macapat Pangkur
Purwane hangrakit
sastra
Awit ginugah
krenteging ati
Tahun rongewu
selikur
Muga dadi sarana
Aksara jawa
anjayeng bawana gung
Saking klaten
papan kula
Asma kawula riyadi
Rinengga
lintang ing tawang
Ya ing tanggal enem
sasine mei
Dina kemis tabuh
telu
Lantaran sayembara
Lestarine aksara
jawa kang luhur
Tata tembung lan
aksara
Rinakit klawan
tinulis
Keparenga
kula nyerat
Amiwiti ngrakit
sastra sinandi
Tinulis awujud
kidung
Kang isine
wejangan
Kinarya pepenget
mring pribadi tuhu
Kabesut ing
dedongengan
Mrih gampang den
eling-eling
Nenggih
purwaning carita
Aneng pertapan
pancer jagad yekti
Hadeging wiku
linangkung
Kang aran
cahyaningrad
Darbe siswa cacah
sekawan satuhu
Catur siswa beda
warna
Watak lagean tan
sami
Nenggih
siswa kang sepisan
Narendra gung
aneng negari bumi
Pranyata ratu
linangkung
Aran prabu bantala
Nanging darbe
watak males demen turu
Rina wengi nguja
dahar
Nuruti karep pribadi
Kapindo
prabu dahana
Narendra gung ing
kraton praja geni
Kasektene kang linangkung
Uga mawa prebawa
Anjalari watak
angkara satuhu
Wani nempuh sewu
cara
Nggugu nepsune
pribadi
Kaping
telu prabu tirta
Kang ngratoni ing
praja banyu kuning
Kasugihane
linangkung
Pindha gunung
kencana
Kang den udi
gebyaring jagad satuhu
Nguja suwarganing
donya
Demen emas lan
saresmi
Siswa
kang kaping sekawan
Angratoni aneng
negari angin
Prabu prabancana tuhu
Ingkang dadi
aranya
Rina wengi tansah
anggegulang kalbu
Sasat ngungkurke
kadonyan
Lali mring
darmaning urip
Aneng
sawijining dina
Prabu dahana darbe
sedya tan becik
Ngrakit barisan
satuhu
Nedya ngelar
jajahan
Pidak jempol
klawan prabu tirta tuhu
Uga prabu bantala
Nglurug ing negari
angin
Kagyat
prabu prabancana
Mulat praja kang
kinepung prajurit
Sigra maju aneng
ngayun
Angrakit pabarisan
Nedya hangukuhi
keraton satuhu
Merangi angkara
murka
Kang nedya
hangereh urip
Kocap
ingkang kacarita
Para prajurit ing
negari angin
Katah ingkang
samya gugur
Jalaran kalah
cacah
Ratu angin prabu
prabancana tuhu
Kapentok ing
pancabaya
Sumende jedaring
pesthi
Mung
bisa pasrah sumarah
Mring gusti kang
murba garising urip
Wus iklas
sajroning kalbu marang lakuning gesang
Nanging ana
adiling gusti satuhu
Dumadakan ana daya
Ampuh sasat tanpa
tanding
Manjing
manunggal sajuga
Mring angga prabu
prabancana yekti
Daya panguwasa
agung
Prasasat tanpa
timbang
Bisa nelukake
barisaning mungsuh
Tumungkul ratu
tetiga
Saguh den pidana
pati
Rawuhnya
sang cahyaningrad
Hanengahi kang
mangsah yuda yekti
Duka marang siswa
catur
Kang samya madeg
ing prang
Sasat rebutan
balung kang tanpa sungsum
Pra siswa sigra
mertobat netepi darmaning urip
Mangkana
prabu bantala
Ingkang darbe
watak males sayekti
Katarima tobat
ipun
Netepi laku darma
Watak males sigra
rinuwat satuhu
Manjing dadi watak
sabar
Kadi sang ibu
pretiwi
Uga
sang prabu dahana
Kang ngagungke
watak angkara yekti
Geni angkarane
lebur
Panase Dadya daya
Kang lumampah
marang kautaman tuhu
ana ing sadengah
papan
anyurung gregeting
urip
mangkana
sang prabu tirta
kang kanggonan
kasugihan linuwih
kang ngumbar
hardaning napsu
marang gebyaring
donya
linebur manjing
dadya wataking banyu
tansah anyenyeger
rasa
ing laku darmaning
urip
anenggih
sang prabancana
narendra gung
saking negari angin
anggenya tansah
amungkur
marang gebyaring
jagad
den elingke marang
sang guru linangkung
urip aneng alam
donya
yekti wajib
amakarti
mrih
sampurna urip ira
hanulad a marang
lakuning angin
saka papan kang
duwur
nganti papan kang
asor
den ambah lan
rinengkuh dadi sedulur
tansah paring
pitulungan
marang pepadaning
urip
welinge
ingkang pungkasan
sang wiku mring
siswa catur yekti
ngelio ilining
banyu
haywa kentir ing toya
murih piguna urip
ira satuhu
sebab ing
kasunyatan
jagad tansah owah
gingsir
iku
mau mung sanepa
gegambaran nepsune
janma yekti
watak angin klawan
banyu
bumi uga dahana
kang mestine di
reh marang maha guru
yaiku sang nur
muhamad
yekti panuntun
sejati
Dening : Riyadi Setyawan S.Sn
0 komentar:
Posting Komentar